Góður árangur á MIDEM
Ferð Zonet útgáfunar á MIDEM kaupstefnuna var einkar vel heppnuð. Góður árangur í fyrra plægði akurinn fyrir enn frekari árangur á þessari kaupstefnu.

Fyrirspurnir um útgáfu á Robertino bárust frá Bandaríkjunum, Suður Kóreu, Taiwan, Ísrael, Belgíu og Rúmeníu. Óttar Felix forsvarsmaður Zonet útgáfunar átti líka fund með EMI í Evrópu til að kanna útgáfumöguleika í Þýskalandi, Bretlandi, Austurríki, Swiss, Belgíu, Frakklandi og  á Spáni. Einnig föluðust nokkur fyrirtæki eftir "online" samningum varðandi Robertino og ber þar hæst að nefna Microsoft í Bandaríkjunum.

Það er því hægt að segja að MIDEM kaupstefnan hafi verið árangursrík fyrir Zonet og Roberino og verður spennandi að fylgjast með hvað framtíðin ber í skauti sér með þau mál.