Þrefaldur

Loksins eru nú aftur fáanlegar í einum pakka þrjár fyrstu plötur þeirra félaga KK og Magnúsar Eiríkssonar. Hljóðversplöturnar Ómissandi fólk, og Kóngur einn dag ásamt hinni stórskemmtilegu hljómleikaplötu Lifað og leikið. Þessar frábæru plötur þeirra félaga seldust allar upp á sínum tíma en koma nú í nýrri útgáfu í þreföldum pakka. Fáir listamenn hafa notið viðlíka hylli og þeir félagarnir. Það er sterkur þráður á milli þeirra og áheyrenda. Einlægnina og hlýjuna kann fólk að meta. Auk þess eru gleðin og húmorinn ávallt á næsta leiti, tilbúin að létta lundina og lyfta sálinni... Þrefaldur er eigulegur pakki sem allir tónlistarunnendur fagna.

Hárið

Hinnn sívinsæli söngleikur Hárið í flutningi frábærra tónlistarmanna. Tónlistin úr Hárinu er í hæsta gæðaflokki og hefur fyrir löngu unnið sér sess í hjörtum allrar heimsbyggðarinnar. Útsetning og upptökustjórn: Matthías Matthíasson

Tryggvi Hübner 2.0

Það er óhætt að segja að Tryygvi Hübner sé einn af okkar virtustu gítarleikurum. Strax á unglingsaldri vakti hann eftirtekt fyrir hæfileika sína og og var fljótlega kominn í fremstu röð. Hann hélt til Spánar ungur að árum og nam þar klassískan gítarleik og tónfræði. Fyrsta plata hans vakti verðskuldaða athygli fyrir fallegar melódíur og frábæra spilamennsku. Á þessum nýja geisladiskieru 11 úrvalslög, þar sem Tryygvi fer á kostum jafnt á klassískan gítar sem og rafmagnsgítar.

Óli Trausta

Óli Trausta. Nýr diskur frá laga- og textasmiðnum Ólafi Sveini Traustasyni er kominn út. Ólafur hefur hljóðritað 12 lög. Má þar nefna þekkt lög eins og “ You´re my song” í fluttningi Edgars Smára Atlasonar og “ Von “ í fluttningi Páls Rósinkranz. Auk Edgars Smára og Páls Rósinkranz, sem taldir eru í hópi bestu dægulagasöngvara landsins, má nefna meðal annarra söngvara á diskinum hinn góðkunna Sigurjón Brink og Eyþór Inga Gunnlaugsson, sem sigraði í söngkeppni framhaldsskólanna árið 2007.

Amma er best

Á þessari nýju barnaplötu fer Geir Ólafsson á kostum í skemmtilegum lögum Guðmundar Rúnars Lúðvíkssonar. Amma er best er frumsamin ný barnaplata sem rennur léttilega inn í hugmyndaheim barnanna. Lögin á þessari plötu eiga eflaust eftir að hljóma hátt og snjallt í leikskólum landsins um ókomna framtíð. Guðmundur Rúnar er ekki óvanur að finna smellina fyrir krakkana. Hver man ekki eftir Súrmjólk í hádeginu sem þeir Bjartmar Guðlaugsson gerðu að hálfgerðu þjóðlagi barna á öllum aldri? Furstarnir hans Geirs Ólafssonar sjá um undirleikinn og ekki er hann af verri endanum enda afbragðs hljóðfæraleikarar sem skipa hvert rúm í þeirri sveit.